សន្និបាត

បូកសរុបការងារឆ្នាំ២០២៣ និងលើកទិសដៅការងារឆ្នាំ២០២៤  

“ពិសេស ជំហានឆ្ពោះទៅសម្រេចគោលដៅ កម្ពុជាគ្មានជំងឺគ្រុនចាញ់ត្រឹមឆ្នាំ២០២៥”

ត្រូវបានរៀបចំឡើងរយៈពេល ៣ថ្ងៃ នៅឯសណ្ឋាគារ អង្គរប៉ារ៉ាឌី ខេត្តសៀមរាប

_______________________

ដោយមានការអនុញ្ញាតដ៏ខ្ពង់ខ្ពស់ពី ឯកឧត្ដមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល នៅព្រឹកថ្ងៃអង្អារ ១១កើត-ព្រហស្បតិ៍ 

១៣កើត​ ខែមាឃ ឆ្នាំថោះ បញ្ចស័ក ព.ស ២៥៦៧ នៅសណ្ឋាគារ​ អង្គរ​​ប៉ារ៉ាឌី ខេត្តសៀមរាប មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ 

ប៉ារ៉ាស៊ីតសាស្រ្ត និងបាណកសាស្ត្រ(ម.គ.ច) បានរៀបចំអង្គសន្និបាតបូកសរុបការងារឆ្នាំ២០២៣ និងលើកទិសដៅការងារឆ្នាំ ២០២៤

“ពិសេស ជំហានឆ្ពោះទៅសម្រេចគោលដៅ កម្ពុជាគ្មានជំងឺគ្រុនចាញ់ត្រឹមឆ្នាំ២០២៥” អង្គសន្និបាតនេះ ក៏មានការចូលរួមបើក ក្រោម

អធិបតីភាព ឯកឧត្តមវេជ្ជបណ្ឌិត ម៉ៅ តាន់អ៊ាង អនុរដ្ឋលេខាធិការ ក្រសួងសុខាភិបាល តំណាងដ៏ខ្ពង់ខ្ពស់របស់ ឯកឧត្តមសាស្រ្តាចារ្យ

រដ្ឋមន្រ្តីក្រសួងសុខាភិបាល ពិធីនេះ​​ក៏មានការអញ្ជើញចូលរួមពីលោក លោកស្រី ដែលជាថ្នាក់ដឹក​នាំ និងសហការី មកពី បណ្តាក្រសួង

ពាក់ព័ន្ធ ស្ថាប័ននានា ថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ ​និងមានការអញ្ជើញចូលរួមពីសំណាក់មន្រ្តីរាជការ ម.គ.ច និងថ្នាក់

ក្រោមជាតិ ព្រមទាំងវត្តមានអង្គការដៃគូរនានា សរុប ២៦២នាក់។

ឯកឧត្តមវេជ្ជបណ្ឌិតអនុរដ្ឋលេខាធិការ ក៏បានពាំនាំនូវការផ្តាំផ្ញើសាកសួរសុខទុក្ខ​ នឹករលឹក និងការកោតសរសើរដ៏ខ្ពង់ខ្ពស់ពីសំណាក់  

ឯកឧត្ដមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ជូនចំពោះថ្នាក់ដឹកនាំ មន្ត្រីរាជការ បុគ្កលិក នៃមជ្ឈមណ្ឌលជាតិប្រយុទ្ធ

នឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្ត្រ រួមទាំងថ្នាក់ដឹកនាំរាជធានីខេត្ត ដៃគូអភិវឌ្ឍ និងដៃគូអនុវត្តទាំងអស់ដែល

បានរួមគ្នាជួយគាំទ្រទាំងផ្នែករដ្ឋ​បាល បច្ចេកទេស និងហិរញ្ញវត្ថុនាពេលកន្លងមក ដល់គ្រប់កម្មវិធីរបស់ក្រសួងសុខាភិបាល ពិសេស

លើការងារប្រយុទ្ធនឹងជំងឺគ្រុនចាញ់។ ទន្ទឹមគ្នានេះផងដែរ ឯកឧត្ដមសាស្រ្តាចារ្យ រដ្ឋមន្រ្តីក្រសួងសុខាភិបាល ក៏បានផ្តាំផ្ញើសម្តែងនូវ

អំណរគុណនិងការវាយតំលៃខ្ពស់ដល់ក្រសួង ស្ថាប័នពាក់ព័ន្ធ ជាពិសេសចំពោះ ឯកឧត្តម លោកជំទាវ ប្រធានក្រុមការងារពិសេសថ្នាក់

ខេត្តលុបបំបាត់ជំងឺគ្រុនចាញ់។

ក្នុងឱកាសដ៏វិសេសវិសាលនោះផងដែរ ក្រសួងការពារជាតិបានផ្តល់ជូនប័ណ្ណសរសើរដល់មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ា

ស៊ីតសាស្រ្ត និងបាណកសាស្ត្រ  និងថ្នាក់ដឹកនាំនៃ ម.គ.ច ដែលមានស្នាដៃក្នុងការបំពេញភារកិច្ចជំនាញសុខាភិបាលប្រចាំឆ្នាំ២០២៣ 

សម្រេចបានលទ្ធផលល្អប្រសើរ ចំនួន១០រូប។  

អង្គសន្និបាតក៏មានគោលបំណងដើម្បីពិនិត្យមើលពីវឌ្ឍនភាព និងសមិទ្ធផលរបស់កម្មវិធីជាតិប្រយុទ្ធនឹងជំងឺគ្រុនចាញ់ ជំងឺគ្រុនឈាម និង

ជំងឺដង្កូវព្រូន នាឆ្នាំ២០២៣ និងទិសដៅការងារឆ្នាំ២០២៤ ពិសេសជំហានឆ្ពោះទៅ កម្ពុជាគ្មានជំងឺគ្រុនចាញ់ “ចងក្រងបទពិសោធន៏ពីការ

លុបបំបាត់ជំងឺគ្រុនចាញ់ ផ្លាស់ស្មូដ្យូម ហ្វាល់ស៊ីប៉ារ៉ូម ដើម្បីសម្រេចអោយបាននូវគោលដៅកម្ពុជាគ្មានជំងឺគ្រុនចាញ់ ត្រឹមឆ្នាំ២០២៥”៕